ಉದಾರವಾಗಿ ನೀಡುವುದು ಬದುಕಿನ ಪರಿಪೂರ್ಣತೆಯನ್ನು ಕಲಿಸುತ್ತದೆ

ವರದಿ: ವ್ಯಾಟಿಕನ್ ನ್ಯೂಸ್

ಭಾನುವಾರ ವ್ಯಾಟಿಕನ್ ನಗರದಲ್ಲಿ ತ್ರಿಕಾಲ ಪ್ರಾರ್ಥನೆಯಲ್ಲಿ ಮಾತನಾಡಿದ ವಿಶ್ವಗುರು ಫ್ರಾನ್ಸಿಸ್, ಕೇವಲ ಪ್ರಾಪಂಚಿಕ ವಸ್ತುಗಳಿಂದ ನಮ್ಮ ಜೀವನವು ಪರಿಪೂರ್ಣವಾಗುವುದಿಲ್ಲ. ಮೊದಲಿಗೆ ನಮ್ಮ ಜೀವನದಲ್ಲಿ ಉದಾರವಾಗಿ ನೀಡುವುದನ್ನು ನಾವು ಅಳವಡಿಸಿಕೊಂಡಾಗ ಮಾತ್ರ ಬದುಕು ಪರಿಪೂರ್ಣತೆಯೆಡೆಗೆ ಸಾಗುತ್ತದೆ ಎಂದು ಹೇಳಿದ್ದಾರೆ.

ಕಳೆದ ಭಾನುವಾರದ ಶುಭ ಸಂದೇಶದ ವಾಚನವನ್ನು ಧ್ಯಾನಿಸಿದ ವಿಶ್ವಗುರು ಫ್ರಾನ್ಸಿಸ್ ಅವರು "ಏಸುಕ್ರಿಸ್ತರು 5000 ಜನರಿಗೆ ಆಹಾರವನ್ನು ನೀಡಿದರು. ಹೀಗೆ ಅವರು ನೀಡಿದ ಆಹಾರವನ್ನು ಜನರು ಸೇವಿಸಿದ ನಂತರವೂ ಸಹ, ಉಳಿದ ಎಲ್ಲವನ್ನು ಒಟ್ಟುಗೂಡಿಸಿದಾಗ 12 ಬುಟ್ಟಿಗಳಷ್ಟಾದವು. ಆ ಸಂದರ್ಭದಲ್ಲಿ ಯೇಸುವಿನ ಈ ಕಾರ್ಯವನ್ನು ಜನರೆಲ್ಲರೂ ಒಂದು ಅದ್ಭುತವಾಗಿ ಕಂಡರು ಮಾತ್ರವಲ್ಲದೆ ಅವರು ತಮ್ಮ ಪ್ರಾಪಂಚಿಕ ಹಸಿವನ್ನು ನೀಗಿಸಿಕೊಳ್ಳಲು ಹಾತೊರೆಯುತ್ತಿದ್ದರು. ಆದರೆ ಅವರಿಗೆ ತಮ್ಮಲ್ಲಿ ಇದ್ದುದ್ದನ್ನು ಹಂಚಿಕೊಂಡರೆ ಎಲ್ಲರಿಗೂ ಸಾಕಾಗುತ್ತದೆ ಎಂಬ ಮನೋಭಾವ ಇರಲಿಲ್ಲ." ಎಂದು ಹೇಳಿದರು.

ಮುಂದುವರೆದು ಮಾತನಾಡಿದ ಅವರು "ಆ ಜನರಂತೆ ನಾವು ಸಹ ಕೆಲವೊಮ್ಮೆ ಕೇವಲ ನಮ್ಮ ಹಸಿವನ್ನು ನೀಗಿಸಿಕೊಳ್ಳಲು ಪ್ರಯತ್ನಿಸುತ್ತೇವೆ. ಸಹೋದರ ಸಹೋದರಿಯರು ಹಸಿವಿನಿಂದ ನರಳುತ್ತಿದ್ದರೂ ಸಹ ನಾವು ಅವರಡೆಗೆ ದೃಷ್ಟಿಯನ್ನು ಬೀರುವುದಿಲ್ಲ. ನಮ್ಮಲ್ಲಿರುವ ಕೊಂಚವನ್ನು ಅವರ ಜೊತೆ ಹಂಚಿಕೊಂಡರೆ ಅವರು ಬದುಕುವ ಸಂಭವವು ಹೆಚ್ಚಿರುತ್ತದೆ. ಆದರೆ ನಾವು ವಿಫಲವಾಗುತ್ತೇವೆ" ಎಂದು ಹೇಳಿದರು.

ನಮ್ಮ ಆತ್ಮದ ದಾಹವನ್ನು ನಮ್ಮ ಆತ್ಮದ ದಾಹವನ್ನು ನೀಗಿಸಿಕೊಳ್ಳಲು ನಾವು ಯೇಸು ಎಂಬ ಜೀವಂತ ರೊಟ್ಟಿಯನ್ನು ಪ್ರತಿದಿನವೂ ಸೇವಿಸಬೇಕು. ಆ ಮೂಲಕ ಪ್ರಭುವನ್ನು ನಂಬಲಿಕ್ಕೆ ಬರಮಾಡಿಕೊಂಡು ಅವರಂತೆ ಉದಾರ ಮನೋಭಾವವನ್ನು ಬೆಳೆಸಿಕೊಳ್ಳಬೇಕು ಎಂದು ವಿಶ್ವಗುರು ಫ್ರಾನ್ಸಿಸ್ ಹೇಳುತ್ತಾ ತಮ್ಮ ಪ್ರಾರ್ಥನೆಯನ್ನು ಮುಗಿಸಿದರು.